Бір топ қазақ жігіттері той көйлегін киіп, қазақстандықтарды шулатты, деп хабарлайды «NewTimes.kz» ақпараттық агенттігі.
Желіде төрт жігіттің қалыңдық көйлегін киіп жатқан сәтінің видеосы тарап кетті. Той көйлегін кигендердің арасында бірі еш қысылмастан, өзін құдды бір подиумде жүрген секілді сезінген. Ер азаматтардың бұл әрекеті жұрттың ашуын тудырды. «Не сұмдық мынау, намыс қайда?», Ұялмай қалай жүрсіңдер?», «Бұлар қайда тұрады? Бүкіл халықты ұятқа қалдырып отыр», «Алла ер азаматтарымызға жігер мен сана берсін» деп жазды қолданушылар. Видеоны көргендер арасында жігіттердің бұл әрекетін әзілге балағандар да бар. «Олар жай қалжыңдаған ғой, шынайы өмірде бұлай жүрмейді. Әзілді де түсінбейсіңдер ме?» деп жақтады тағы бір қолданушы.
